Yaaron Shaadi Mat karna...by Dr. Sunil Jogi

yaaro Shaadi mat karna 
Ye hai meri arji 
phir bhi ho jaaye to
upar wale ki marji!

Laila ne majnu se 
shaadi nahi rachayi thi 
Shiri bhi Farhaad ki 
dulhan kab ban paayi thi 
sohni ko mehiwaal agar 
mil jata ,to kya hota 
kuch na hota bas parivar niyojan wala rota 
hote bacche ,sil sil kacche 
ban jata wo darji 
yaaro!shaadi mat karna 
phir bhi ho jaaye to 
upar wale ki marji !!

saxsena ji ghar mein 
jhadhu roj lagate hai 
verma ji bhi subah subah 
bacche nehlate hai 
gupta ji har shaam dhale 
murgaasan karte hai 
karnol ho ya genral 
sab patni se darte hai 
patni ke aage na chalti 
mantri ki manmarji !
yaaro !shaadi mat karna ,
phir bhi ho jaaye to 
upar wale ki marji!!!

bade bade afsar 
patni ke paav dabate hai 
gunge bhi bedroom mein 
ilu-ilu gaate hai 
behre bhi sunte hai 
jab patni gurati hai 
andho ko dikhta hai 
jab belan dikhlati hai 
patni keh de to langda bhi 
daude idhar udhar ji !
Yaaro !saddi mat karna 
ye hai meri arji 
phir bhi ho jaaye to 
upar wale ki marji!!!